તારીખ ૨૯/૧૧/૧૮ ના રોજ પ્રાથમિક આરોગ્ય કેન્દ્ર રાંચરડા દ્વારા નસબંધી પખવાડિયું ઉજવણી વર્કશોપ કિચન એક્સપ્રેસ એન્ટરપ્રાઇઝ, સાંતેજ ખાતે યોજવામાં આવેલ.

 તારીખ ૨૯/૧૧/૧૮ ના રોજ પ્રાથમિક આરોગ્ય કેન્દ્ર રાંચરડા દ્વારા નસબંધી પખવાડિયું ઉજવણી વર્કશોપ કિચન એક્સપ્રેસ એન્ટરપ્રાઇઝ, સાંતેજ ખાતે યોજવામાં આવેલ.

આ વર્કશોપમાં ડૉ હરેશ ત્રિવેદી અધિક જિલ્લા આરોગ્ય અધિકારીશ્રી, ડૉ હર્ષદ પ્રજાપતિ તાલુકા આરોગ્ય અધિકારીશ્રી કલોલ, ડૉ હેમાંગનીબેન પટેલ મેડીકલ ઓફિસર રાંચરડા, કિલ્પાબેન જીલ્લા પી એચ એન, શ્રી અરવિંદભાઈ નિનામા જીલ્લા આઈ ઈ સી અધિકારી, શ્રી રાજુભાઇ પટેલ નાયબ આઈ ઈ સી અધિકારી, તાલુકા આઇ.ઇ.સી અધિકારી, તાલુકા હેલ્થ સુપરવાઇઝર, પ્રાથમિક આરોગ્ય કેન્દ્ર રાંચરડા ના તમામ સ્ટાફ ( મ પ હે સુ, મ.પ.વ, એફ એચ ડબલ્યુ, આશા), આર બી એસ કે ની ટીમ,કિચન એક્સપ્રેસ એન્ટરપ્રાઇઝ ના મેનેજીંગ ડાયરેક્ટર શ્રી તેમજ કિચન એક્સપ્રેસ એન્ટરપ્રાઇઝના 300થી વધારે કર્મચારીઓ હાજર રહેલ.

ડૉ હેમાંગીની બેન પટેલ દ્વારા સદર વર્કશોપમાં તમામ મહેમાનોનું શાબ્દિક સ્વાગત કરવામાં આવેલ. દીપ પ્રાગટ્ય બાદ પુષ્પગુચ્છ થી મહેમાનોનું સ્વાગત કરેલ.

ડૉ હર્ષદ પ્રજાપતિ, તાલુકા આરોગ્ય અધિકારી દ્વારા આરોગ્ય વિભાગની સરકારી યોજનાઓ વિશે ઉપસ્થિત રહેલ તમામ કર્મચારીને વિગતવાર માહિતી આપેલ.

ડૉ હરેશ ત્રિવેદી, અધિક જિલ્લા આરોગ્ય અધિકારી ગાંધીનગર દ્વારા નસબંધી પખવાડિયું ઉજવણીના ભાગરૂપે વિગતવાર માહિતી આપેલ તેમજ તેમણે જણાવેલ કે કેટલી જવાબદારી મહિલાની છે તેટલી જ પુરુષની જવાબદારી છે વધુમાં તેમને એક સૂત્ર જણાવેલ " સુવાવડ મારી નસબંધી તમારી ".

 ડૉ અમીબેન, ડૉ નેહાબેન અને રાજુભાઈ પટેલ દ્વારા સપ્તધારા અંતર્ગત પપેટ શો દ્વારા તમામ કર્મચારી ને પુરુષ નસબંધી કરાવવા માટેનો પોઝિટિવ મેસેજ આપેલ.

કિચન એક્સપ્રેસ એન્ટરપ્રાઇઝ દ્વારા આ વર્કશોપ માં ખૂબ જ સહયોગ મળ્યો.

પ્રાથમિક આરોગ્ય કેન્દ્ર રાંચરડા ની ટીમ દ્વારા ખુબ સરસ પ્રકારનું આયોજન કરવામાં આવેલ. અંકિતભાઈ મ.પ.વ દ્વારા આ કાર્યક્રમને સફળ બનાવવા ખુબ જ મહેનત કરેલ. જિલ્લા અને તાલુકાના આઈ ઈ સી અધિકારી દ્વારા કાર્યક્રમને સફળ બનાવવા ખુબ મહેનત કરેલ.