આજ તા : ૨૬/૧૨/૧૮ ના રોજ તાલુકા આરોગ્ય કચેરી ના ગ્રામ્ય તથા શહેરી વિસ્તારમાં કામ કરતી આશા બહેનોનું સંમેલન અર્બન હેલ્થ સેન્ટર ૧ આંબેડકર ભવન કલોલ ખાતે યોજવામાં આવેલ. આ સંમેલનમાં ૩૦૦ જેટલી બહેનો તથા કર્મચારીઓ હાજર હતા.
આ સંમેલનમાં કલોલ મતવિસ્તારના માન. ધારાસભ્યશ્રી બળદેવજી ઠાકોર ઉપસ્થિત રહેલ હતા. જેઓનુ ડૉ.હર્ષદ પ્રજાપતિ તાલુકા આરોગ્ય અધિકારી દ્વારા સ્વાગત કરવામાં આવેલ હતું. માન.ધારાસભ્યશ્રી એ આશા બહેનોને જરૂરી માર્ગદર્શન પુરુ પાડેલ તેમજ ભવિષ્યમાં જરૂર જણાય ત્યારે હંમેશા સાથ સહકાર મળશે તેમ જણાવેલ.
આ સંમેલનમાં મુખ્ય જિલ્લા આરોગ્ય અધિકારીશ્રી ડૉ. મનુભાઈ સોલંકી તથા અધિક જિલ્લા આરોગ્ય અધિકારી શ્રી ડૉ. પિયુષભાઈ પટેલ હાજર રહી કુટુંબ કલ્યાણ ની જુદી-જુદી પદ્ધતિઓ, કુટુંબ કલ્યાણ કાર્યક્રમમાં આપવામાં આવતા ઈન્સેટીવ, નવી કુટુંબ કલ્યાણની પદ્ધતિઓ છાયા અને અંતરા, સરકાર શ્રી તરફ થી ચાલતા સેટકોમ કાર્યક્રમ આશા એક ચેતના, માતા અને બાળ મરણ અટકાયતી પગલા, સગર્ભા ની વહેલી નોંધણી, બર્થ માઈક્રોપ્લાન, સગર્ભા માતા ની સોનોગ્રાફી, બાલ સખા યોજના અને ટેકો કાર્યક્રમ બાબતે જાણકારી આપેલ હતી.
તાલુકા આરોગ્ય અધિકારી શ્રી ડૉ. હર્ષદ પ્રજાપતિ દ્વારા પાવર પોઈન્ટ પ્રેઝન્ટેશન દ્વારા સરકારશ્રીની ચાલતી વિવિધ યોજના અને કાર્યક્રમો બાબતે વિગતવાર ચર્ચા કરવામાં આવેલ હતી. આયુષ્યમાન ભારત : પ્રધાન મંત્રી જન આરોગ્ય યોજના, હેલ્થ વેલનેસ સેન્ટર, પાણીજન્ય રોગચાળા અટકાયતી પગલા, વાહક જન્ય રોગચાળો અટકાયતી પગલા,. સરકાશ્રીની નાણાકીય સહાય : જનની સુરક્ષા યોજના, કસ્તુરબા પોષણ સહાય યોજના, જનની શિશુ સુરક્ષા કાર્યક્રમ, ક્ષય લેપ્રસી અને અંધત્વ નિવારણ કાર્યક્રમ, હાઈ રિસ્ક માતાને સમયસર રેફરલ કરવા માટેની જરૂરી વિગતો, નીતિ આયોગના સૂચકાંકો, બિનચેપી રોગો વિશે ની માહિતી, મુખ્યમંત્રી અમૃતમ અને વાત્સલ્ય યોજના વગેરે વિશે વિગતવાર માહિતી આપવામાં આવેલ.
તાલુકામાં સારી કામગીરી કરી માતા અને બાળકની જિંદગી જે આશાઓ એ બચાવેલ તેમને તેમજ ગત વર્ષમાં આરોગ્યની સારી કામગીરી કરેલ તેવી બહેનોને પ્રોત્સાહન ના ભાગરૂપે માન. ધારાસભ્યશ્રી બળદેવજી ઠાકોર, મુખ્ય જિલ્લા આરોગ્ય અધિકારીશ્રી ડૉ. મનુભાઈ સોલંકી અને અધિક જિલ્લા આરોગ્ય અધિકારીશ્રી ડૉ.પિયુષભાઈ પટેલ દ્વારા ટોફી તથા સર્ટિફિકેટ આપી સન્માન કરવામાં આવેલ
પ્રાથમિક આરોગ્ય કેન્દ્ર મોખાસણ ના આશાબેન દ્વારા બેટી બચાવો બેટી વધાવો કાર્યક્રમ અંતર્ગત સુંદર ગીત રજુ કરી તમામને સંભળાવેલ હતું.
આ કાર્યક્રમમાં ઉપસ્થિત તમામ નો આભાર માની કાર્યક્રમ પૂર્ણ જાહેર કર્યો.
